كلسات حداه برزانة شافت فيه وابتاسمات
اكرام: <بنضرات جدابة> شبانلك نعاودو هاد خريجة مرة اخرا
لبنى: ايه مرحبا
اكرام: انا عارض عليك العشاء اليوم تكوني مساليا?
لبنى:<بدات تفكر واش عندها شي وقيت هي بغات تضرب هاد لافير> احم بيناتنا تيليفون من هنا ليل نجاوبك
اكرام: اوكي مرحبا
وقفات لبنى ودّعات اكرام ومشات شدات طاكسي راجعة الدار غي وصلات طلعات لبسات بيجامة دوك الكنيضرات البنات عرفتوهم?
جمعات شعرها لفوق كعكة مهملة وهبطات لقات لالة حليمة جايبة كراطن وكتستف فالمواعن داخلهم شمرات لبنى على يدياتها وبدات حتى هيى تجمع حتى سالاو المواعن لي فلكوزينة خلاو غير لي يستعملو ليوم هزات لبنى من دوك كراطن وطلعات تجمع بيتها بدات بالماريو جمعات مكياجها ولي برودوي دياولها طرفات بيتها كامل خلات غير متفرش , او هكدا دوزات هاد النهار غير فالجميع جا سي مراد لقاهم جمعوا دار كلها مشا جاب كاميو لي ايهز ليهم رحيل خلصو ومشا معاه العنوان لي عطاوه مالين دار الجديدة
لبنى عيات ضارت ليها فالخوا سيفطات لاكرام ميساج بلي ليوم مفيهاش لي خرج على برا ومشات خرجات الحانوت خدات اندومي وشي سقاطة اخرا طيبات غير اندومي كلاتها ونعسات
{ اصبحنا واصبح الملك لله } صبح صباح جديد البطلة ديالنا فاقت ليوم بكري كملو جميع الحويج لي بقاو ليهم البارح ومشاو شدو طاكسي لدار الجديدة غير حطهم الطكسي لبنى حلا ت فمها
لبنى: باباباابا الواليد فين جايبنا قالك دار هادي را فيلا ميميمي
لالة حليمة: <حتات عليها بقرصة> تي قولي تبارك الله دبا تقوسي على ناس
لبنى: <كتحك فالقرصة> اييي اماما اييي واش تي هادو كون تشد فيهم العين كاع ما يديرو هدشي كولو
لالة حليمة : زيدي زيدي براكا من الهدرة الخاويا
دخلو لداخل لقاو رئيسة الخدما كتسناهم رحبات بيهم وراتهم فين دار تاع العساس
لبنى: الله الله عندكم فيلا قدها قداش وعاطينا هاد زوج بيوت مالهم ميسكنونا معاهم
لالة حليمة: {لاحول ولا قوة الا بالله}
دخلو الدارهم فرشو الفراش وقادو المواعن وكشي رجعوه بلاصتو لبنى مشات لبيتها سيقاتو وخى نقي عزيز عليها دير الحاجة بيديها رتبات حويجها مزيان ومكياجها رجعات نعسات حيت فاقت بكري مزال مشبعات نعاس
تعاشات العشية لبنى فاقت غسلات وجهها وخرجات برا الدار غي خرجات ضربها الهوا واحد نسمة خفيفة خلاتها تحس بواحد الاحساس زوين تمشات ناحية الجردة ديال القصر بقات غاديا تستكشف المكان بان ليها لابيسين قد الصخط جردة مليئة بالغرس الورد اشكال وانواع قشعات واحد الدار صغيورة عرفات كين شي كلب تماك مشات لعندو كان كلب من نوع بيرجي غير شافها بغى يتلاح عليها لقاها مخيفاش منو هوا يتهدن بقات تحك ليه وتعنق وتبوس فيه حتى سمعات شي صوت من وراها
لالة ملاك: غريب انه مغوتش عليك ونوض روينة
لبنى: ضارت اوبتسامة على وجهها, الكلب الا حس بيك خايفة منو ايبقا يسيطر علك
لالة ملاك: مولف غير بولدي الياس من غيرو انبوسيبل الضاهر انه رتاح ليك
لبنى: سمحيليا مدام معرفتكش على راسي انا لبنى بنت الخدام جديد قالتها وهي محملاش راسها
ملاك: متشرفين ابنتي يمكن لك تقوليا غير خالتي ملاك بلاش من الرسميات تبارك الله عليك غزالة
لبنى: ربي يخليك اخالتي ويطول فعمرك
لالة ملاك: اجي كلسي معايا نشربو شي قهيوة ونقرقبو الناب
لبنى:تصدمات ههه ,مرحبا
مشاو فاتجاه واحد الكليسة حدا لابيسين منضر مريح للاعين
نطقات لبنى: دوقك زوين
لالة ملاك : فاش ابنتي
لبنى: فهاد الكليسة والمنضر ديالها معندي منتسالك دوقك رفيع
لالة ملاك:ابتسمات بحب للهلا يخطيك كيعرف الدوق الزوين غير لي من اصولو
لبنى: ابتسمات بفخر يلاه بغات تنطق هوا يقاطعهم تيليفون لالة ملاك لي كان كيرن
لالة ملاك: نور عويناتي ولدي الحبيب
الياس: الواليدة لباس عليك امورك مزيان صحيحة بخير
لالة ملاك: الحمد لله اولدي نحمد الله ونشكرو كيف غادي مع شي خدمة اوليدي
الياس:بضحك
الواليدة اش كتعرفي على ولد الياس العمري واجرك عالله
لبنى كانت ساهية حتى سمات سميتو عينيها توسعو بصدمة لالا ميمكنش تكون لهاد الدرجة الصدفة لاقاتها بسيد لي كتعشقو هادي سنين السيد لي واخد ليها عقلها ومعمر ليها قلبها لا ميمكنش واش القدر بغا يجمعهم فدار وحدة كيفاش حتى معرفاتش هادي دارو هي متبعة عليه كلشي كيفاش هادي فلتات ليها ميمكن نسات متسول باها عندمن خدام تشغلات بداك سعودي ونسات امر دار لي ايتحولو ليها مفاقت من سهوتها غير على صوت الخدامة لي جابت ليهم القهوة
لبنى : احم لالة ملاك نسولك ومديريهاش مني قلة صواب
لالة ملاك: تفضلي سولي ابنتي
لبنى: واش الابن ديالك هوا الياس ??
لالة ملاك:هدرات بفرحة دليل على انها مفتاخرة بولدها اه اه ابنتي كتعرفيه
لبنى: امم اه كنعرفو وشكون مغاديش يعرفو داير ضجة فالسوشل ميديا كلشي كيشكر اعمالو ونجاحاتو تبارك الله.
يـــتـــبــع.......