داز اسبوع علا حياة الابطال ديالنا لبنى لي غير فل القصر مرة مرة كتخرج تدبر فشي بريكول وخى شاغل بالها غير الياس لي غيجي اليوم المغرب اما عند الياس لي دوز هاد اسبوع كامل غير فالخدمة كيرصي فيها باش يهبط المغرب بالو هاني
جا اليوم المعهود لبنى فاقت بكري, اليوم حيت ناويا تمشي الحمام جاي زوجها🤣باقا معرفاش اش كيتسناك اصبري ههه, فاقت غسلات وجها حكات سنيناتها وقدات حاجتها مشات لكوزينة سخنات كاس دلحليب وكرواصة فطرات وهزات سطل د الحمام وخرجات شدات طاكسي نيشان لحمام , غير دخلات اشمنك يا بخور روايح تحمق,
شموع فكل قنت الزهور فالماء غرف عديدة كل وحدة اواختصاصها, دخلات نيشان لعند واحد الكسالة حكات ليها رجعاتها تبرق خرجات من عندها دخلات غسلات شعرها ومشات لغرفة خاصة بالمساج والعناية بالوجه بقات فيها شي ساعة خرجات تخشات فجاكوزي رائحة زهور الريحان كتفوح منو بقات راخية فيه عضيماتها حتا رتاحت وناضت لغرفة تغير الملابس رطبات لحمها بنكهة الڤانيلا دارت مزيل العرق ولبسات بيجامة حرير باللون الاحمر كتجي مفتوحة شوي من جيهة الصدر وفيها بابيون صغيرة بالبيض كتجي نصكم رشات من عطرها وخرجات خلصات وشدات طاكسي لصالون لي مريزرڤيا فيه قدات شعرها سامبل ومن التحت بوكلي صبغات ضفيراتها بالبيض جات كتفتن بزين وبان عليها الحمام غير سالات هزات تيليفونها وصونات الاكرم لقاتو تهوا على القرص جا هزها من الصالون ومشاو لواحد ريسطو راقية دخلو يتغداو فيها كتسمع غير صوت عزف البيانو والسربايا مستفين كياخدو طلبيات بانتضام غير صوت الفورشيط والموس قليل من اصوات ناس هدوء,
او عير اصحاب العقول الراقية كلسو فطبيلة كطل علا البحر ونسيم البحر متسلل داخل المطعم كيبعت فالنفس طمأنينة والسكينة جا النادل خدا الطلبية ديالهم لبنى خدات سالاد مخلطة حوت (كالامار كروفيت خضر) وعصير اڤوكادوي اكرام طلب ليه سالاد فروي مع عصير برتقال كلسو كياكلو وكيتبادلو اطراف الحديت سالاو وصلها قريب القصر دخلات لقات كلشي فل القصر مشغول شي فلكوزينة شي فالحديقة شي كيرتب كل وفاش مدهي وعلاش لا وسيد القصر جاي تعاشات العشية توقفات صيارة من نوع بورش سوداء هبط منها الياس هز راسو ودور عينيه فأنحاء القصر تم دخل كلشي كيلقي عليه تحية كيتمشا اوكيتمشاو معاه غير شوفا فيه كتحس بالهيبة
تمات جاية ناحيتو لالة ملاك والابتسامة مفرقاتش وجهها عنقها وباس راسها
الياس: الواليدة بخير
لالة ملاك: مني شفتك اولدي كنحمد الله ونشكرو دخل اولدي
الياس: انطلع لغرفتي ناخد دوش ونهبط
طلع لغرفتو لي كانت فيها مزيج بين البيض والكري ,فراش راقي ديكورات زوينة الغرفة نقية كتشعل دليل علا انه يلاه منظفة ,خدا ليه دوش وبدل عليه حويجو لبس سروال سبورتيف وقبية وكلاكيطة فرجليه هبط لقا لالة ملاك كتسنا فيه اكلسو فمائدة العشاء لي كانت مليئة بشهيوات لي كيبغي الياس تعشاو فجوا زوين, لالة ملاك فرحانة بولدها معاها ,اوالياس فرحان حيت الحنانة حداه غي سالاو الماكلة الياس خرج الجردة باش يكمي مبغاش يكمي حدا مو طلب قهوة وكلس حدا لابيسين جابت ليه الخادمة قهوتو وهي مبلكة فيه عينيها من كمية كتلة هاد الوسامة لي قدامها
الياس: تقلعي شمزال واقفة كديري هنا
مشات لخدامة كتجري خايفة منو اما عند لبنى لي كانت حاضية كل تصرف دارو منين جا لدبا دارت عليها كاب ورشات من عطرها وخرجات كتمشا فالحديقة على اساس الآنسة راه مشيفاهش 🤣 الياس كان كيبخ حتا هز راسو حقق مزيان حتا عرفها بنت ولكن شكون ?? هيا
يـــتـــبـــع.........