غير خرجات من الدار بعداة شويا على دربهم, هي تبان ليها واحد طونوبيل من نوع ميرسيديس اخر ماكين تمشات بخطوات متقونة وهازة نيفها السماء مقاداهاش الارض هبط واحد شاب لي الملامح ديالو كتدل على انه لبناني فتح ليها لباب طلعات وطلع كسيرا موقف غير حدا واحد القهوة سمحوليا ولكن مشي اي قهوى هدي كون غير سماوها اوطيل 5 نوجوم
دخلات لبنى وهيا مبتاسمة حيت هدشي لي بغات, فلوس صحيحة ضايرة بيها شدو واحد الطبلة vip هوا ينطق وعينيه كيلمعو بالاعجاب
احمد: لبنى انا اشتقت لك والله فرصة سعيدة اننا التقينا
لبنى: شافت فيه وهيا تبدل نضرتها لنضرة طيااااحة وانا اشتقتلك يا روحي انت بتعرف ضروفي لهيك ماقدرنا نلتقي من قبل
احمد:شد ليها ايديها انا مستعد من اليوم اخطبك من عند اهلك وعيشك اميرة بس انتي امري
لبنى: جرات ايديها بزربة ,احمد انت عارف اني لازم كمل دراستي بالاول وحقق احلامي الزواج مو من احلامي هلا
احمد: اييه مافي مشكل انتي بس ابقي معي يا حبيبتي انا راح ادفع تكاليف دراستك بالكلية لي تحبي
لبنى: ابتسمات حيت عرفات راسها وصلات لدكشي ليبغات , اوكي حبيبي اطلب لنا شي نشربو ونروح نعمل لي قلتلي عليه
احمد: نعمل شوبينغ ولا شو بتحبي
لبنى : ايه شوبينغ نطقات فنفسها ياااربي ايمتا نسالي هد نهار ويبعد مني هاد الكمارة
جا سيرڤور لبنى خدات حليب بشكلاط غير سالاو جمعو الوقفة مشاو ل bim دخلات بقات تقيس او شرات منها لي عجبها ومشات لشي محلات اخرين لعند ذهيبي خذات سنيسلة ديال الذهب وصلها قريب لدربها باسها فحنكها وقال
احمد: روحي رح ارسلك مصاري فحسابك تكفيك لبين ما اجي لعندك تاني
لبنى: رح اشتاقلك انا بحبحك كتير احمد ,اوبتشكرك علا هل اليوم الحلو
توادعات معه اوهبطات, صونات لماماها باش تعرفها واش كينة فدار هيا وباباها لقاتهم تواحد مكين ,اومشات نيشان لدارهم طلعات لبيتها اوسدات عليها جبدات الحويج دخلاتهم لماريوها وخبات سنسلة وسط الحويج وشي فلوس عطاهم ليها جمعات كاع لي صاشي لي خواتهم فطارو نتاع زبل وخرجاتو لاحتهم ورجعات لدار بدلات حويجها وهبطات لكوزينة دارت ليباط يتصلقو وجدات لاصوص ديالهم وخلاتهم يطيبو ومشات تكات ليها فصالون كتفرج
غير حسات بليباط تصلقو دارت لاصوص فالكفتة حطات ليها هيا فطبسيل وخلات لماماها وباباها حقهم مشات تعشات وضرباتها بنعيسة
{اصبحنا واصبح الملك لله} صبح صباح جديد نخليو البطلة ديالنا ونمشيو لمكان اخر الياس لي كان باين فيه معصب وكيهضر فتيليفون بجهد
الياس: الواليدة راك عرفاني مباغيش نتزوج متبقايش كل مرة تسيفطيليا وحدة
لالة امال: اولدي الله يرضي عليك ايمتا اتدير تا نتا وليدات حتا تدفني ااا دوي
الياس:تنهد بعصبية, الواليدة انا هابط المغرب هاد سيمانة ونهدرو فهدشي يلاه بسلامة دبا عندي اجتماع ..... وقطع
تنهد تنهيدة طالعة من الاعماق رجعات بيه الداكرة للماضي
الياس سايق الطونوبيل وشاد ليها في ايديها والضحكة باينة لو علا وجهو
سهام : الياس حبيبي تر يمتا نبقاو هكى يمتا تدوي مع ماماك خلاص
الياس:دار شافيها, قريب قريب انور عويناتي مبقا والو عرفا الواليدة كانت فلوبيطال مبغيتش نصدعها دبا
سهام: *جبدات من صاكها تيست نتاع الحمل *وزايدون جايها حفيد فطريق ضروري مغادي تفرح
الياس :ضار بلاما يحس ضحك حتى بانتلو ضرسة العقل, واش بصح
يلاه بغا يكمل هدرتو هيا تغوت سهام
سهام:^الييييييياس شوف قدامككككككك ما ان الياس شاف قدامو حتى كانت طونوبيل اخرة خرجات فيهم سيارة لاخرة كانت جاية بسرعة خيالية مولاها كان سكران حاولو يعتقو سهام ولكن دقة جات فيها الياس بقى شهور هوا فغيبوبة مني فاق دخل فصدمة واكتئاب لحد الان مزال ممتيقش شنو طرا لو
<الرجوع الى الحاضر>
مسح دمعة من عينو وناض شد طريق لشركة عندو اجتماع
نرجعو لعند لبنى لي كانت فاقت منعسات غير بزز شافت فساعة لقاتها ضربات 12
لبنى: افف نعست بزاف
ناضت دخلات لدوش خدات ليها دوش وبدلات عليها حويجها لبسات تيشرت فلبيض وفيها من جيهت الكتاف فريفرات وسروال جينز بالازق فرجيلاتها صندالة بلا فالقهوي وصاك فنفس اللون مدارت حتى نقطة دالمكياج بغات وجهها يرتاح من البرودوي هبطات لتحت لقات ماماها فالكوزينة باست ليها راسها
لالة حليمة: علا سلامة اميرتنا منين فاقت
لبنى:<بطنز> الله يسلمك امامتي
حليمة: خاصنا نجمعو حويجنا باش نرحلو من هنا لخدمة باك جديدة قاليا باك عندهم شي دار كي الفيلاة
لبنى: ااااااه دنيا شي عطاتو وشي زواتو صافي انا خارجة دبا نفطر برا منين نجي انعاونك فالجميع باي الحنانة
خرجات لبنى شدات طاكسي لواحد ريسطوا كيكلسو فيها غير ناس الآليبا كلسات طلبات ليها غير عصير كتسنا تلقا شي ڤيكتيم يخلص عليها شي فطور معتبر هزات عويناتها بتقالة لقات واحد خونا كيشوفيها بنضرات عجيبة ضربات على صباطو بانليها زوين عرفاتو عندو العاقة ابتاسمات ليه وحدرات راسها ماهي الا تواني وجا وقف عليها
اكرم: انسة نقدر نكلس حداك
لبنى : مرحبا
بقا داوي معاها وهي شادالو الخاطر حتى تعارفو علا بعض وهيا تقولو
لبنى:سمحليا واحد الدقيقة نطلب فطوري نطلب لك شي حاجة معايا?
اكرم: لا لا انا لي عارض عليك الالة الفطور على حسابي
لبنى:<لا لا بلاما تعدب راسك>
مخلاهاش تكمل هدرتها غو السيرفور طلبات فطور ليبغات تعزل وتشرط فطرات
لبنى: سمحليا نمشي الحمام ونرجع
مشات غسلات سنيناتها ورشات باغفان ديالها رجعات بخطوات تابتة هازة راسها السماء مبحالها حد......
يتبع.......