الأم حليمة تتفيق في بنتها لبنى, فيقي ياك اليوم باغا تدفعي سيڤي ديالك نوضي واا لبنى
لالة حليمة كتململ فيها او والو هادي هيا البطلة ديالنا نعااسها تقييل مفيقاتها غي بزز نيضا مقلوبة دخلات لطواليط وهيا كتحك فعويناتها غسلال سنانها وغسلات وجهها بالغسول دارت مرطب ديال لوجه وايكخو دشمس وخرجات لبيتها لبسات دكشي كلاس سروال اسود توب وتيشورة فالبيض و لاڨيست الفوق بيضاء ودارت فرجيلاتها طالون في الابيض وصاك اسود مشطات شعرها الأسود الحريري ودارت ميكاب خفيف مشات نيشان عيات معاها ماماها باش تفطر "
لبنى: ماما غي دعي معايا والله معندي منين يدوز على لله هاد المرة نتقبل باست الام جميلة راسها وخرجات مع الباب
مشات لبلاكة ديال الطوبيس تسناه ماهي الا دقائق وجا ركبات فيه ومشات نيشان لشركة لي غادي تدفع فيها سيڤي ديالها مشات نيشان الاستقبال قالو ليها تشد الصف مع البنات لي تاهوما باغين يدفعو ايوا نخليو لبنى تسناا شويا واجيو نعرفكم بالبطلة ديالنا لبنى كتبلغ من العمر 24 سنة هيا بنت لي طويلة ولطاي عندها حوتة كل حاجة فبلاصتها شعرها اسود لكن كل مرة دايرة لوك جديد ,عزيز عليها تبدل الستايل عويناتها لي كوحل الفم بحال شي حبات الكرز نيف منكى شغنقوليك بنت لي كتسطي بزين عايشة مع الاب والام ديالها, هيا لي عندهم ,الفقر مخلاهمش فين يزيدو, لبنى مشي من نوع لي قانعة بلي عندها ديما هازة نيفها السماء وحاسبة راسها الكل فالكل عاجبها زينها كل مرة تبريكولي فشي خديمة المهم تلقا باش تشري حويج ماااركات, رغم خدمة دالاب ديالها سي موراد لي كان عساس, الا انها مراضياش بهاد العيشة لي هي فيها ولكن كتقدر التعب ديال باها فكل مرة كتضبر علا شي خديمة كتضور مع واليديها هما لي عندها فهاد الحياة
بقات كتسنا فنوبتها بززز باش وصلات دخلات قدمات سيڤي ديالها لي كان ممتاز لأن لتنى كانت قراية ودكية ,فكانت ديما كتحصل علا نتائج لي فالمستوى من صغرها ,هيا كتفكر في حاجة وحدة انها تقرا وتوصل باش تحقق كااع احلامها واحلام واليديها ,غير شافوا سيفي ديالها قالو ليها باش ما كان غادي يعيطو ليها تقهرات بالملل حيت هاد الهضرة سمعاتها بزاف اوطلعات ليها فراسها كل شركة مشات ليها كيكون رد ديالهم هاكا ,هادي هي هد البلاد السعيدة (جبتي الباك وديبلوم شدو علقو فشي كادر) ناضت رجعات لدارهم لقات لالة حليمة موجدة الغداء بانليها باباها حتا هوا كاين فدار باست ليه علا راسو
لتنى: الواليد مالك مخدامش ليوم او لا روبو
سي موراد : (ضحك بسخرية)روبو ابنتي مالي مهندس راه غي مول الڤيلا لي خدام عندو حطها للكرا
لبنى:(شافت فباها بحزن) ايوا اش غدير ابابا دبا
سي موراد: راني دويت مع واحد سيد قلت ليه الى بان ليك شي حد باغي خدام انا موجود قاليا دبا نشوف ليك ايوا انا كنساين على لله ابنتي.
لبنى: الله يديرليك لي فيها الخير ابابا ماما انا انطلع ندوش ونهبط نتغداو
لالة حليمة: ايه ايوا متعطليش ابنتي .
طلعات الغرفة ديالها دخلات نيشان لدوش ديماكيات وجهه وخدات ليها دوش خرجات دهنات الجسد ديالها بمرطب بنكهة الڤانيلا نشفات شعرها ولبسات غي واحد بيجامة خفيفة نتاع الدار هبطات لقات الغدا محطوط كلسو مجمعين ويضحكو ناسين الهم والغم غي تغداو ناضت جمعات الطبلة وغسلات الماعن وطلعات لبيتها جبداتها بنعسة مافاقت حتا قرب يأذن المغرب اول حاجة دارتها هزات تيليفونها دخلات لإنسطا كتدوز حتى بان ليها حاط بوسط جديد بقات تزومي علا تصويرة وعويناتها كيلمعو دخلات الكمنطرات لقات الاف ديال البنات يتعنبو عليه تنهداات وقالت ااااه يا الياس رااك مغروس ليا فقلبي
وبدات تفكر فيه فخيالها نطقات نحلف بحلوفي اسي الياس حتا انديك من وسطهم كاملين الا مخليتكش تابعني كيل الحمق راني ماشي لبنى ضحكات ببلاهة علا افكارها الحمقين من ديما هيا طايحة فيه وعندها امل شي نهار ايكون ليها هادي هيا لبنى من ديما كتشوف غي فوق منها ,الياس باذا من اشهر رجال الاعمال فالمغرب غني بما فيه الكفاية غني عن التعريف وغني حتى ماديا🤣 ناضت جمعات الوقفة قادات بيتها رتباتو لبنى, تسطاا وتحماق ومتخليش بيتها مرون هادي من المستحيلات السبع حلات الماريو ديالها لي كان حتى هو مرتب والملابس كل حاجة شدا بلاصتها جبدات واحد الجينز باللون الأزرق اومقطع من جيهت الركبة وهزات معاها واحد تيشورت فالبيض مرسومة فيه كايلي جيينز لبسات صندالة بيضة طالون ودارت صاك فالحمر قدات ميكاب مشطات شعرها علا شكل ديل حصان دارت روج احمر وهبطات التحت لقات لالة حليمة مكيناش عرفاتها اتكون غير عند شي وحدة من جاراتها......
يـــتــبـــع........