-مرحباً بكم في مدونة قصص مخيفة، الوجهة الأولى لمحبي الإثارة والرعب! نقدم لكم مجموعة مميزة من قصص الرعب المستوحاة من الواقع، والأساطير المرعبة، حيث يتداخل الغموض مع الحقيقة. سواء كنت من عشاق قصص الجن، أو تبحث عن قصص رعب حقيقية، أو حتى قصص أنيميشن مثيرة، ستجد هنا ما يأسر خيالك. تابع أحدث قصص الرعب المكتوبة والمصورة، واستعد لجرعة من التشويق مع كل قراءة. هذه المدونة مخصصة لعشاق قصص الرعب بأنواعها، من قصص الجرائم إلى القصص المؤثرة وقصص الجن، لنمنحكم تجربة فريدة من الخوف والغموض.
مغامرة جديدة مع سفيان, سفيان كيعيش فواحد القرية هادئة، وكان كيسمع ديما على واحد المخلوق سمتو "القرين"، ولكن ماكانش كعارف شنو هو بالضبط.
اليوم غادي يكتشف سفيان، ومعاه غادي نتعرفو على هاد القرين وكيفاش كيأثر على حياتنا. جاهزين؟ خليك معانا وتابع القصة باش تعرف كيفاش نقدروا نحميوا روسنا من وساوس القرين وتعرف شنو هي الطرق لمواجهتو بذكاء.
#قصص #القرين #الأطفال
واحد النهار، كان سفيان ولد صغير كيعيش فواحد القرية هانية. كان ديما كيسمع الناس كيهضرو على واحد المخلوق سميتو "القرين"، ولكن ماكانش كيعرف شنو بالضبط هاد القرين ولا شنو كيدير اواشنو مهمتو بضبض.
سفيان مشا عند جدو باش يسول على القرين وقال ليه: "جدي، شكون هو القرين او فين كين اواشنهوا الدور ديالو في الحياة؟"
جدو جلس وبدى كيعاود ليه: "القرين اولدي، هو مخلوق من الجن اللي الله خلقو باش يكون مقرون مع الإنسان. يعني، كل واحد فينا عندو واحد القرين اللي كيبقى معاه طول حياتو. القرين مخلوق قوي ومكيموتش معاك، غير الله هو اللي كيقرر فين غادي يمشي ملي تموت."
سفيان تساءل: "وش القرين يقدر يأذينا اجدي اولا يدخل لجسدنا؟"
ضحك الجد وقال: "لا ولدي، القرين مايقدرش يدخل لجسد الإنسان، ولكن يقدر يوسوس ليك ويخليك تفكر فالحوايج الخايبين.
هو غير كيبغي يزين ليك المعصية ويشجعك على الشر.
لكن القرين ماعندوش القدرة باش يسيطر عليك، الإنسان هو اللي كيختار واش غادي يتبع الخير ولا الشر."
سفيان سأل بحماس: "وش نقدر نشوفو ولا نهضر معاه؟"
جدو قال: "لا، القرين ماكيتشافش، إلا فحالات خاصة بحال المس ولا الصرع.
وبالنسبة للهضرة معاه، مايمكنش نهضرو معاه، حيت هو غير كيوصل الوساوس ديالو."
وبعدا سكت جدو شوية وزاد قال: "القرين عندو وسيلة باش يخليك تنسى الخير وتفكر غير فالشر، ولكن عندنا حتى حنا قرين ديال الملائكة اللي كيوصل لينا الأفكار الزوينة واللي كيشجعنا على الخير."
سفيان كان مبهر بهضرة جدو وسول: "وش كاين شي طريقة باش نتخلص من وسوسة القرين؟"
جدو ابتسم وقال: "آه ولدي، القرآن اوذكر الله هما اللي كيخنقو القرين.
ملي كتقرا القرآن، القرين كيتلاشى ومايبقاش عندو تأثير عليك.
باش تبقى محمي، خاصك تواظب على قراءة القرآن وذكر الله."
من بعد ما سمع سفيان كلام جدو، قرر أنه غادي يبدا يذكر الله بزاف ويقرا القرآن كل نهار باش يبقى محمي من وسوسة القرين.
اوهنا كتنتهي قصتنا الى قصة اخر في موضوع جديد والسلام