سمعنا بزاااف تع القصص, عن اشخص درو عقد مع الشيطان مقابل يعطيهم شي حاجة معين بحال المال أو سلطة أو كلمات
معينة يقدر يدير بيها أي شي تتخيلوا, سواء سحر او غيره، اوديما الاشخاص الي كيديرو هد العقد مع الشيطان كيكونوا كفرة، لكن عمركم تتخايلو أن هد الشخص لي دار عقد مع الشيطان معروف عليه انه اكثر الناس عبادة لله لدرجة أنه فضل يعبد الله سبحانه 70 سنة، غدي نعرفوا اشنوا لي خلى شخص فضل يعبد الله 70 سنة كاملة, ارتكب كل هد الكبائر والذنوب اومن الفوق يكفر بالله عز وجل؟!
قال تعالى بعد اعوذو بالله من الشيطان الرجيم ,كمثل الشيطان اذ قال للنسان اكفر فلما كفر قال انا بريء منك اني اخاف الله رب العالمين. نزلات هد الاية في رجل عابد من عباد بنو اسرائيل سميتو برصيصا
بداية القصة,
كان في بني إسرائيل شخص عابد وزاهد من كل شهوات الحياة ,سواء كانت مال او نساء أو اي شهوة اخرى في الحياة، كان سميتو (برصيصا) كان كيعبد الله سبحانه أشد العباداة, بنا ليه صومعة خاصة وفضل يعبد الله سبحانه فيها لمدة 70 سنة، في هد السبعين سنه معمرو عصى الله سبحانه ابدا ، حتى إن إبليس عيا اويئس منوا, ولكن لم إبليس شاف ان (برصيصا) كعبد الله سبحانه مبغاش يخليه فحالوا, ولكن ملقاش ليه الجهد, او بد غير كيحوم عليه او كيوسوس له بش اتخلى على عبادة الله, المهم مخلاش ابليس شي طريقة الا او جربها معاه ولكين (برصيصا) مكانش كيلتفت ليه..
لما عيا ابليس الكافر, فكر في طريقة اخرى يوقع بيها ( برصيصا) جمع كل مردة الشياطين وقال لهم:
- شكون فيكم لي يقدر يتكفل ببرصيصا ويخليه يتوقف عن عبادة الله؟!
طبعا كلهم عارفين شكون هو برصيصا ,واحد من الشياطين قال لإبليس:
-انا قادر ندير هد الخدمة !
إبليس قال الهاد الشيطان :
- تكلف به ,او الى نجحتي في هد المهمة غتكون من المقربين من عرشي!
انطالق الشيطان لصومعة تع ( برصيصا) اوملي وصل للصومعة، لقى (برصيصا) كيف العادة كيعبد الله سبحانه وتعالى، الشيطان ملي دخل عيط لو بسميتوا, مردش عليه برصيصا حيث كان مركز في عبادة ديالو، ملي شاف الشيطان أن (برصيصا) مكيردش عليه، وقف في جنبوا او خدا صفة راهب بحال دك العباد اوصلى معاه! اوملي سلى (برصيصا) من الصلاة، شاف شخص جميل المظهر جالس فجنبوا، سولو (برصيصا) اشنوا بغي مني او اشنو لي جابك هنا فوقت عبادتي وش نتا معرفش بلي انا مانع اي حد يدخل الهنايا فوقت الي كنكون كنعبد فيه الله ؟ رد عليه الراهب (الشيطان) بلي سمع بزاف تع الناس كيدكروك انك شخص شديد العبادة والتدين اوجيت نتعلم من علمك ونتأدب من أدبك ونجتمع انا وياك على عبادة الله اش بان ليك، وافق (برصيصا) او قال له بعدها الراهب "الشيطان":
-انا انا عندي شي كلمات الى ملكتها غدي تقربك من الله بزااف او غدي تكون اشد العباد تمسكا بالله كثر من عبادتك دبا ,او غدي احقق ليك بها الله بزااف تع المطالب ملي تنطق بها! برصيصا لما سمع هد الكلام قاله عطيني هد الكلمات هدي فعلا الراهب الشيطان عطاه شي كلمات اوقال ليه انا غدي نمشي دبا تار غدا عوتاني اونطلاقاو اوخرج!..
مشى الشيطان عند ابليس، او سولو اشنو دار في ديك القضية لي كلفو بها, رد عليه الشيطان صافي برصيصا مشا فيها, بعد يماة قليلة غدي يجي يسجد ليك!
ابتسم إبليس اللعين وقال له:
-كنتسنا العمل ديالك انجح اوانا عند وعدي الى نجحتي غتكون من المقربين لعرشي!
الشيطان عاود مشى الوحد الطفل قريب من البيت تع برصيصا او خنقوا وهنا هد الطفل هدا كيتألم بشدة!
الشيطان تشكل على هيئة بشر وقال لأهل تع الطفل,
- انا طبيب اوقادر نعرف اش بيه فحصوا الطبيب " الشيطان" اوقال لهم :
-علاجه عند شخص واحد
سولوه اهل الطفل شكون هو هد الشخص ؟
قالهم -ابنكم عنده جنية اوانا مقدرش نخرجها من الجسده تعوا! الوحيد الي يقدر يخرجها العابد برصيصا لانه معه سر عظيم عندو اسم الله الاعظم!
فعلا اهل الطفل مشاوا عند برصيصا في صومعة تعوا، اوملي وصلوا العندو عاودو ليه اش واقع او بلي وحد الطبيب هو لي صفطنا عندك ره قال لنا مكينش شي حد لي قادر اخرج هد الجنية من هد الطفل الا برصيصا, حط يده على جبهتوا ونطق بدوك الكلمات الي خذاها من الراهب "الشيطان" وعلى الفور اطفل رجع احسن من الاول!
استمر الشيطان في هد العملية كيمشي عند الناس ويخنقهم وبعدها يتشكل على هيئة دكتور ويقول لاهلهم ان ابنكم او ابوكم مصاب بجنية والي يقدر يخرجها هو برصيصا, لانه عنده اسم الله الاعظم! اوكيمشيو الأهل عند برصيصا وبنطق الكلمات اويشفى المريض! برصيصا صمعتوا ذاع في كل مكان بلي كيشفي المرضى اوكيخرج الجن من الأجساد اوبلي هو رجل عندو حكمة وعنده اسرار عظيمه! لحد ما! او حتى سمع بيه وحد الملك من ملوك اليهود ستدعاه بش اداوي ليه بنتو عندها اربع الخوت، خنقها اوعدبها شويا اوتنكر كيف العادة على صورة طبيب لي غدي يعالجها ، اوملي فحصها قال الملك:
بنتك كيسكنها شيطان مارد قوي بزااف وميقدرش يخرجوا من جسمها الا شخص سميتو برصيصا، ولكن بشرط غتبني صومعة بجانب صومعة تع برصيصا وقولوليه بلي بنتنا امانه عندك حتى تبرا اوخليو بنتكم في الصومع لخرا لي بنيتوها الى حتي تبرا ,حيث علاجها غياخد وقت طويل.
بيطبيعة الحال الاهل وافقوا على العرض تع الطبيب الشيطان اومشى الملك عند برصيصا وقال له:
- بنتي مريضة كيسكنها شيطان مارد قوي, ميقدر يخرج منها هد الشيطان الا نتا، اوزاد قاله الملك اشنهما طلباتك؟
برضيصا رد اوقال:
- انا مكنمسش النساء ولا نبقى معهم وحدنا
قال له الملك غدي نبني لها صومعة بجنب صومعتك اوتبقى فيها بنتي, ما عليك الا الى سمعتيها شتد عليها الحال تمشي داويها او ترجع الصومعتك اوبهكى غدي تفادا توقع في الحرام ,وافق برصيصا على القتراح تع الملك ,اوبنى الملك الصومعة اوحطوا فيها البنت، ملي كيسمعها شتد عليها الحال كيدخل العنها اوكيداويها اويرجع الصومعة تعوا بزربة ,بش ميعطيش فرصة الشيطان العب عليه, ولكن فوحد المره دخل او لقى البنت نصف الجسم ديالها كان عريان! غض البصر ديالو ولكن إبليس انتهز الفرصة اولعب ليه بعقلوا خلى هذيك الصورة المحرمة تصور ليه في عقلوا حتى نجح إبليس العين اووقع برصيصا في الزنا! اوالبنت مع مرور الأيام حملات، هنا كانت مصيبه الكبرى عند برصيصا..
اوهكدا وقعوا ابليس في كبيرتين من الكبائر الزنا اوالقتل!
بعد ما قتلها برصيصا معرفش اش غدي ادير الجوثة تعها وسوس لو الشيطان قال اودفنها قبل ما يتفضح امرك قدام ناس! فعلا داها برصيصا الوحد الجبل اودفنها تماك
الشيطان ماسكتش على هد القضية مشا عند خوتات البنت اوخلاهم تا نعسو اوجاهم فالمنام اوقال لهم بلي برصيصا زنا باختكم او قتلها!..
اولما فقوا مع الصباح قالت وحدة منهم انا حلمت حلمة غريبة جاني وحد الشخص في المنام او قال لي ان برصيصا زنا مع ختنا او قتلها!
لما سمعوا الاخوات التنين الحلمة تع ختهم انصدموا حيث تا هما حلمو بنفس الحلمة! هنا مشاو عند برصيصا او سولوه على ختهم رد عليهم شيطان تعها خداها
الاخوات صدقواه اومشاو، ولكن الشيطان عود جالهم تاني في المنام وقالهم على مكان الجبل الي ادفن فيه برصيصا ختهم او ملي مشاو لقاو طرف من الحوايج تع ختهم حفرو القبر اوخرجو الجثة! خدوا جثة او مشاو لصومعة برصيصا، خدوه الجنود تع باباهم العند الملك او تماك اقر بالفعلةتعوا, انه زنا بأختهم ولما حملت قتلها اودفنها بش ميتكشفش امروا، الملك امر اصلبوه اوسجنوه تا يجي النهار لي غدي يتصلبوه فيه
الراهب الشيطان جا لبرصيصا فالسجن وقاله
علاش درتي هكا: علا رجل عابد بحالك يزني اويقتل غدي تخلي ناس تع ميصدقوش بقي رهبان بني اسرائل
برصيصا ردعليه اوهو كيترجاه
عفاك قول لي اش غدي ندير نخرج من هم هد الورطة
قال ليه الراهب الشيطان وش بغيتي تنجى من هد الكارثة اوترجع كما كنتي الراهب العابد المحبوب من بني اسرائيل؟ قال ليه برصيصا اه
قاليه اسجد لي مرى وحدة
سجد ليه برصيصا بش انجا من الغم اوالغي لي هو فيه
هنا بين ليه الراهب شكون هو اوقال ليه وش كتعرفني؟ انا ابليس اوقدرة نتلاعب بيك كان همي الوحيد نخليك تكفر بالله , اوها انا اوصلت الهدف تعي انا بريء منك الى يوم الدين انا اخاف الله رب العالمين.