مرحبًا بكم في "قصص وعبر"، اليوم سأشارك معكم تجربة سهام الغامضة والمخيفة في "البيت المسكون". كنت في سن الخامسة عشرة عندما قررت عائلتي الانتقال إلى بيت جديد قرب الغابة، حيث بدأت رحلتي في عالم من الظواهر الخارقة والغامضة نتمنى ان تلقى قصة اليوم اعجابم ,قصة البيت المسكون من قصص وعبر.
-بداية القصة
انا سميتي سهام واليوم جيت نعاود ليكوم قصتي لي عمري ننساها بدات القصة ديالي ملي كانت عندي 15 عام ملي واحد النهار قررنا انا و واليديا نتحولو لواحد الدار جديدة بحكم أن ديك الدار كانت قريبة لخدمة ديال بابا وكانت هاد الدار حدا واحد الغابة كيكولو بلي فيها بزاف ديال الحيوانات مفترسة ولكن كانت ديك الغابة بعيدة على ديك الدار اوا
المهم صافي جمعنا حوايجنا مع ديك 10 ديال صباح نهار الإتنين اومشينا قاصدين ديك الدار ملي وصلنا حلينا باب الدار وتصدمنا فداك المنضر لي شفناه كانت الدار زوينة و واسعة ومجموعة مزيان ولكن كانت كتبان قديمة واحد الشوية المهم بقينا كنتعرفو على الدار و الوالدين ديالي بقات كيتناقشو على أمور الدار وانا ديك الساعة كان شادني الفضول نطلع لطابق التاني مشيت كنجري طلعت وصلت لأول بيت كان اونفاص مع الدروج مشيت حليتو وكانت كتبان فيه الظلمة مشيت حليت الشرجم باش يذخل الضو وملي حليتو ديك الساعة تصدمت ملي شفت شي كلمات ممفهومينش مكتوبين في الحيط وكانو مكتوبين باللون الاحمر كان كيبان بحال الدم انا صراحة ملي شفت داكشي تخلعت تاع بصاح نزلت لتحت عند بابا وماما وكلت ليهوم كاع داكشي لي شفت هوما تيقوني وطلعو يشوفو وملي وصلنا لبيت شفت انا دكشي لي صدمني كتر من اللول لقينا لحيط خاويا وممكتوب فيه والو كالت ليا ماما بنتي فينا هو داكشي لي كلتي لينا
انا : ممم معرفتش
بابا : غدي تكوني غير كتخايلي ابنتي سيري رتاحي شويا حيتاش غتكون منعستيش لبارح
انا : لالا انا مكنتخايلش انا راه متأكدة من هادشي لي كنكول
ماما : شوفي ابنتي انا راه متأكدة بلي راك غير كتخايلي سيري رتاحي شويا
نزلو وخلاوني طايح فيا نص .
اوا وصل الليل نعست فواحد البيت لي كان كيطل على ديك الغابة لي هدرت ليكوم عليها
او وليديا نعسو فوحدا اخر اوا ملي نعست ضرباتني لفيقة مع ديك 2:30 تاع الليل على اصوت ديال ماما كيعيط ليا نط من بلاصتي وخرجت من لبيت ومشيت قاصدة بيت ماما وبابا اوا ملي ذخلت لبيتهوم تما تفاجأة ملي لقيت ماما ناعسة وايلي وشكون كان كيعيط ليا قبيلا ؟
لالا ميمكنش هاديك غتكون غير ماما لي عيطات ليا ومسمعتهاش وداتها عينيها اه اه انا مشيت فيقت ماما وكلت
ليها :ماما واش نتي لي كنتي كتعيطي ليا
ماما : لا ابنتي انا معيطتش ليك
انا : وايلي اماما انا راه سمعت صوتك من بيتي ونتي كنتي كتعيطي ليا وبسميتي
ماما : اويلي ابنتي شفتك هاد الأيام وليتي كتخايلي بزاف
انا : راه اماما انا لي شفتكوم وليتو مكتيقونيش
ماما : شوفي ابنتي نتي دبا غير كتخايلي سيري نعسي حتى لغدا وانا متأكدة بلي غتكوني حسن
انا : وخا
خرجت من بيتي وراسي كل أسئلة شكون غيكون كيعيط ليا زعمة غيكون لالا ميمكنش انا مخاصنيش نفكر فبحال هاد الامور مشيت غسلت وجهي بماء بارد على اساس باش يمشي داك التوتر ولخوف لي كان فيا اوا ملي تميت غدا لبيتي شفت باب بيتي محلول بوحدو كيفاش ياك انا سديتو ملي كنت غادا نغسل وجهي بقيت غادا بشوية حتى وصلت حدا البيت وانا نحل لباب بشوية شكون كاين هنا ملي ذخلت ما لقيت والو كيفاش شكون غيكون سد الباب زعما يكون الشرجم ولكن راه الشرجم مسدود انا المهيم مشيت لبلاصتي وبقيت كنفكر غير فداك الصوت لي عيط بسميتي قبيلا حتى داتني عيني انا ملي وصل الصباح فقت ولقيت ماما وبابا مكينينش فالدار فين غيكونو مشاو